尋晚亞女應該最後悔無返屋企食飯，原因唔係我餐晚餐好精彩，係佢出街叫了一碗加料湯粉，清清楚楚見到一隻有齊腳仔嘅小強在碗中，佢最激氣員工態度仲火過佢😂，做錯事都無講sorry!
落雨天又懶去買餸，是是但但摷下冰箱存貨，有四件急凍豬扒和多春魚，用半碗炸雞粉，加少少水醃多春魚，明火油炸多春魚，見碗中仲有炸漿，突然諗下會唔會倒埋落鑊，變成多春魚脆餅，鍾意食香口嘢嘅我，覺得效果又唔錯喎😋！
另外有四塊購團無得揀嘅瘦豬扒，煎完好乾身，又諗下加啲意粉醬應該會好食啲，無估錯效果又係唔錯喎😋！
12/8/2021 三人晚餐
#意式茄醬豬扒
#炸多春魚
#炒旺菜
#煮餐飯都要用好多腦汁 😂
#無放小強相片怕嚇親大家 😂
Search